Nortzuk garen

Erakundea

Bizkaiko Elikagaien Bankuak ondoko jardun-arloetan eratu du kudeaketa:

  1. Elikagaien hornidura: hornidura-iturri ezberdinak baliatuta.
  2. Elikagaien biltegiratzea: Basauriko biltegietan eta Mercabilbaok utzitakoetan.
  3. Pertsona behartsuekin lan egiten duten erakundeei banatzea.
  4. Kudeaketaren barne-administrazioa.
  5. Soziala: Erakundeekiko harremanetarako.
  6. Harreman publikoak.

Bankuarekin hauetako jarduera batean laguntzeko jarri gurekin harremanetan.


Giza baliabideak

Bankuaren jarduera pertsona boluntarioek burutzen dute musutruk; hau da ordain ekonomikorik gabe.

Bizkaiko Elikagaien Bankua erakunde irekia da, elkartasun gunea izan nahi du ondokoen lana elkartzeko:

  • Denbora eta gaitasuna jartzen duten boluntarioak.
  • Bazkide boluntarioak, denbora eta gaitasunez gain aldizkako kuota eskaintzen dutenak.
  • Boluntario ez diren bazkideak, aldizkako kuota ordaintzen dutenak.
  • Laguntza ekonomikoa ematen duten ongileak.
IMG_0152

Asko gara bazkide eta boluntariook


Baliabide materiala

Bizkaiko Elikagaien Bankuak, bere zereginetarako, Basauriko bi biltegi erabiltzen ditu eta Mercabilbaon kokatutako beste bat. Garraiorako ibilgailuak, hozkailuak, jasogailuak eta biltegiak kudeatzeko bestelako baliabideak. Bankuon printzipio bat da, ahal bada, baliabidea material hauek erosteko inbertsiorik ez egitea. Horren ordez, enpresei eta erakunde ofizialei eskatzen dizkiete.

Disponemos de un almacén Mercabilbao y otro en Basauri desde donde llegamos a todas las familias de Bizkaia que lo necesiten

Biltegi bat dugu Merkabilbaon eta beste bat Basaurin premian dauden Bizkaiko familiei atenditzeko


Finantziazioa

Ez da Bankuaren helburua dirua lortzea, hala ere, bere helburuei heltzeko gutxieneko finantziazioa behar du, edozein erakundek dituen gastuak kitatzeko; besteak beste, garraioa, biltegien ekipamendua, hozkailuak eta bulegoa. Halaber, energia elektrikoa, mantenua komunikazioak, aseguruak eta tankera horretako beste gastu batzuei ere egin behar die aurre.

Bizkaiko Elikagaien Bankuari egiten zaizkion ekarpenak, dirutan, espezietan edo ekipamenduan direla, Pertsona Fisikoen Errentaren gaineko Zergan eta Sozietateen Zergan aringarri dira. Ekarpenik egin nahi baduzu, NOLA LAGUNDU atalera joan zaitez.


Funtzionamendua

Bizkaiko Elikagaien Bankuaren jarduna elikagaien bilketatik hasten  da. Hona bere hornidura iturriak:

  • Elikagaien industriek eta banaketa-enpresek emandakoak.
  • Eusko Jaurlaritzaren eta Estatuko Gobernuaren nekazaritza sailek kudeatutako kanpainen soberakinak.
  • Mercabilbaoko handizkako saltzaileen eta nekazaritzako kooperatiben soberakinak.
  • Saltoki handietan eta ikastetxeetan egindako aldi bateko kanpainak. Halakoetan ikasleek esku hartzen dute antolaketan eta honek elkartasunaren praktikan inplikatu egiten ditu.
  • Europako Batasunetik datozen eta Fondo Español de Garantía Agraria delakoaren bidez egindako ekarpenak.
  • Elikagaiak kontu handiz tratatzen dira, sailkatu eta biltegiratu egiten dira kalitatea kontrolatuz eta osasun-arauak zorrotz betez.
  • Aldizka, elikagaien hartzaile diren giza-erakundeek, ezarri zaien lotea hartzen dute. Lote hori Bankuak dituen elikagaien eta erakundeak artatzen duen pertsona kopuruaren araberakoa da.
  • Onuradunek elikagaiak ez saltzeko eta hirugarrenei ez emateko konpromisoa hartzen dute.

Halaber, Bizkaiko Elikagaien Bankuak diru ekarpenak ere jasotzen ditu eta hauen bidez une bakoitzean egon litezkeen gabeziak  betez osatzen du elikagaien eskaintza.

10 € elikagaietan ematea

Onarrizkoa
  • 2 l. olio
  • 3 l. esne
  • 2 kg arroza
  • 2 pack arrain-kontserba
  • 3 pack pasta

Elikagaiean 20 euro eman

completa
  • 4 l. olio
  • 3 l. esne
  • 3 packs pasta
  • 3 kgs arroza
  • 3 packs arrain-kontserba
  • 3 botes tomate lata
  • 3 packs Legumbres

Haur- elikagaietan 25€ ematea

infantil
  • Haur-esne pote 1
  • Haurtxo-ahia 2 kutxa
  • 2 potito
  • Galleta kutxa 1

PayPal-etik dirua eman

On-line era seguruan Pay-Pal-en bidez ere dirua eman diezagukezue kreditu-txartela edota banku-transferentzia erabiliz.

Cookie erabilera / Uso de cookies

Webgune honek cookie-ak erabiltzen ditu zuk erabiltzailearen esperientziarik onena izan dezazun. Nabigatzen jarraitzen baduzu, aipatutako cookie-tarako eta gure cookie politikarako onespena ematen ari zara. Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies